जनकपुरधाम, फागुन ४ गते ।
धनुषामा स्रोत नखुलेको चारलाख रुपैयाँसहित एकजना पक्राउ परेका छन् । पक्राउ पर्नेमा धनुषा धनुषाधाम नगरपालिका ७ बस्ने ३८ वर्षीय जाबिर राईन छन् ।
बुधबार दिउँसो धनुषाको नगराईन नगरपालिका २ स्थित भारतबाट नेपाल तर्फ आउँदै गरेको अवस्थामा प्रदेश २–०२–००४ प ७५३४ नम्बरको हिरोहोण्डा मोटरसाइकल चेक गर्दा उनलाई स्रोत नखुलेको ४ लाख ६ हजार ११५ रुपैयाँसहित पक्राउ गरेको धनुषाका प्रहरी प्रवक्ता डिएसपी वेदप्रसाद गौतामले जानकारी दिए ।
उनलाई आवश्यक कारबाहीको लागि भन्सार कार्यालय जनकपुरमा पठाइएको प्रहरीले जनाएको छ ।
