प्रधानमन्त्री पुष्पकमल दाहाल ‘प्रचण्ड’ले भोलि दिउँसो ३ बजे राष्ट्रका नाममा सम्बोधन गर्नुहुने भएको छ ।आफ्नो नेतृत्वमा सरकार गठन भएको १ वर्ष पुगेको अवसरमा प्रधानमन्त्रीले भोली भोलि प्रधानमन्त्री तथा मन्त्रीपरिषदको कार्यालय सिंहदरबारबाट राष्ट्रको नाममा सम्बोधन गर्ने तय भएको उहाँका प्रेस सल्लाहकार गोविन्द आचार्यले जानकारी दिनुभयो । तेस्रोपटक प्रधानमन्त्री हुनुभएका माओवादी केन्द्रका अध्यक्ष प्रचण्डले प्रधानमन्त्रीको कार्यकाल एक वर्ष पुरा गरेको यो पहिलोपटक हो । यसअघि दुबै पटक उहाँ ९/९ महिनामात्रै सरकारको नेतृत्वमा रहन पाउनुभएको थियो । प्रधानमन्त्री प्रचण्डले आफ्नो संबोधनमा केही विशेष घोषणा गर्ने र नयाँ ढङ्गले अघि बढ्ने बताउँदै आउनुभएको छ ।
