रुसी नियन्त्रित सहर डोनेट्स्कमा भएको गोलाबारीमा २७ जनाको मृत्यु भएको छ । उक्त क्षेत्रका रुसी नेता डेनिस पुसिलिनले आक्रमणको पुष्टि गर्दै अन्य थप २० भन्दा बढी घाइते भएका जानकारी दिनु भएको छ । घटनाबारे युक्रेनले कुनै प्रतिक्रिया जनाइसकेको छैन । डोनेट्स्क र पूर्वी युक्रेनको केही भूभाग रुसले २०१४ मा नियन्त्रणमा लिएको थियो । त्यसयता ती क्षेत्र आंशिक रूपमा रुसको नियन्त्रणमा छन् । रुसी राष्ट्रपति भ्लादिमिर पुटिनले २०२२ को सेप्टेम्बर ३० एक जनमत संग्रहमा गर्दै दोनेत्स्क सहित खेर्सन, लुहान्स्क र जापोरिज्जा क्षेत्रलाई आधिकारिक रुपमा आफ्नो देशमा गाभ्नु भएको थियो । डोनेत्स्क नजिकका मरिन्का र अभ्दिभ्का क्षेत्रमा हाल रुस र युक्रेनी सेनाबीच लडाईँ भइरहेको छ । सङ्घर्ष जारी रहेका क्षेत्रबाट डोनेत्स्क करिब २० किलोमिटरको दूरीमा छ ।
रुसी नियन्त्रित एउटा सहरमा भएको गोलाबारीमा परि २७ जनाको मृत्यु
