अहिलेकाे बेथिति अन्त्यकालागि सबै तप्काका जनता आन्दाेलित हुनुपर्ने :-अध्यक्ष प्रचण्ड

सर्लाही, फागुन २३ गते । अहिलेको बेथितीको अन्त्यका लागि सबै तह र तप्काका जनता आन्दोलित हुनुपर्ने नेकपा माओवादी केन्द्रका अध्यक्ष पुष्पकमल दाहाल प्रचण्डले सर्लाहीकाे मलंगवामा आयाेजित तराई–मधेश जागरण अभियान कार्यक्रमलाई सम्बाेधन गर्दै बताउनुभयाे
उहाँले माओवादी केन्द्रले अभियान सुरु गरेपछि सम्पूर्ण राज्यकै ध्यान मधेशतिरै केन्द्रीत भएको उहाँले  दाबी गर्नुभयाे  ।
प्रचण्डले  माओवादीले तराई–मधेश केन्द्रीत अभियान थालेपछि प्रधानमन्त्री र अन्य ठुला पार्टीका सबै नेता तराई मधेश झरेकाे बताउदै मधेशको सबैभन्दा दक्षिणी भागमा रहेका गरिब, दलित, मजदुर, किसानमाथि राज्यले विभेद गरेका कुरा उजागर गर्नु भयाे ।उहाँले मधेशकाे  आर्थिक, पर्यटन र कृषिको विकास गर्ने तथा सीमा क्षेत्रको अवस्था अध्ययन गरेर राष्ट्रियरुपमा स्थापित गर्ने उद्देश्यले हुलाकी मार्ग केन्द्रीत अभियान सञ्चालन गरिएको बताउनुभयो । 
पूर्व प्रधानमन्त्री समेत रहनुभएका प्रचण्डले रोकिएर रहेको पूर्व–पश्चिम हुलाकी सडक आफू प्रधानमन्त्री हुदाँ भारतीय प्रधानमन्त्री नरेन्द्र मोदीसँग कुरा गरेर निर्माणको काम अघि बढाएको दाबी समेत गर्नुभयो ।

नेकपा माओवादी केन्द्रका अध्यक्ष ‘प्रचण्ड’ ले तराई–मधेश जागरण अभियानले जनतामा नयाँ आशाको सञ्चार जागेको बताउनुभएको छ । 

सर्लाहीको मलंगवामा शुक्रबार ‘हुलाकी मार्ग केन्द्रीत जनतासँग माओवादी तराई–मधेश जागरण अभियान’ कार्यक्रममा बोल्दै उहाँले झापादेखि सर्लाहीसम्म आइपुग्दा वुद्धिजिवी, किसान, मजदुर, मधेशी, दलित, आदिवासीलगायत सम्पूर्ण जनतामा नयाँ आशाको सञ्चार छाएको महसुस गरेको बताउनुुभएको हो ।