८ मंसिर , शुक्रबार ।
नेपाल भारत सीमाक्षेत्रस्थित समसीबाट स्राेत नखुलेको आठ लाख दस हजार रुपियाँसहित दुई जना पक्राउ परेको छ । पक्राउ पर्नेमा समसी गाउँपालिका ३ का २८ वर्षीय रमेशकुमार साह र रामगोपालपुर नगरपालिकास्थित सहसौलाका ३२ वर्षीय अनिल चौधरी रहेको हो ।
सीमापारिका भारतीय बजारबाट मधेस प्रदेश ०२–००६–प १६२१ नंको मोटरसाइकलबाट नेपालतर्फ आउँदै गर्दा चेकजाँच गर्ने क्रममा नोट फेला परेको प्रहरीले जनाएको छ ।
बरामद भएका रुपियाँमा एक हजार दरका ५२२ र पाँच सय दरका ४३६ थान तथा एक सय दरका ५२० र पचास दरका ३७८ रहेको सशस्त्र प्रहरीका डिएसपी विकास अधिकारीले जनाएको छ ।
शुक्रवार समसी ५ स्थित सीमा नाकाबाट दुबै जनालाई प्रहरीले नियन्त्रणमा लिएको हो ।
