सामाजिक सद्भाव विगारेको भन्दै टिकटकलाई बन्द गर्ने सरकारको निणर्य

सरकारले सामाजिक सञ्जाल टिकटक बन्द गर्ने निणर्य गरेको छ । आज बसेको मन्त्रिपरिषद बैठकले टिकटकको माध्यमबाट सामाजिक सद्भाव विगार्ने काम भएको भन्दै टिकटक बन्द गर्ने निणर्य गरिएको सरकारका प्रवक्ता एवम् सञ्चार तथा सूचना प्रविधि मन्त्री रेखा शर्माले जानकारी दिनुभयो । टिकटक बन्द गर्ने निणर्य तत्काल कार्यान्वयन हुने पनि मन्त्री शर्मालले जानकारी दिनुभयो । यसैबिच सरकारको निणर्यपछि नेपाल दूरसञ्चार प्राधिकरणले इन्टरनेट सेवा प्रदायकहरुलाई टिकटक बन्द गर्न पत्र पठाएको छ । दूरसञ्चार प्राधिकरणका अध्यक्ष पुरुषोतम खनालले सेवा प्रदायक र टिकटकलाई समेत इमेल लेखेको जानकारी दिनुभयो ।भोलीसम्ममा टिकटक ब्लक हुने सम्भावना रहेको उहाँले जानकारी दिनुभयो ।