गोडैता, सर्लाही – साउन ११/नेपाल सरकारले मधेश प्रदेशलाई सुखाग्रस्त क्षेत्र घोषणा गरेसँगै गोडैता नगरपालिकाले राहत स्वरूप मालपोत कर निःशुल्क गर्ने निर्णय गरेको छ।
साउन ११ गते बसेको गोडैता नगर कार्यपालिकाको बैठकले आर्थिक वर्ष २०८२/०८३ का लागि नगर क्षेत्रभित्र पर्ने सम्पूर्ण मालपोत कर निःशुल्क गर्ने निर्णय गरीएकाे गाेडैता नगर पालिकाका अध्यक्ष देवेन्द्र यादवले जानकारी गराए ।
नगर प्रमुख देवेन्द्र कुमार यादवले यस निर्णयबाट नगरवासीहरूलाई आर्थिक राहत पुग्ने विश्वास व्यक्त गर्दै नगरक्षेत्रका कृषकहरूलाई लक्षित गर्दै वडा कार्यालयमार्फत आवश्यकतानुसार सिँचाइको व्यवस्था पनि मिलाइने जानकारी समेत दिए ।
प्राकृतिक प्रकोपका कारण कृषिमा पर्न गएको प्रभाव न्यूनीकरण गर्न नगरपालिकाले यस्ता निर्णयहरू लिएको जनाउदै मेयर यादवले नगरपालिकाले आगामी दिनमा पनि पीडित नागरिकहरूको हितका लागि आवश्यक थप राहत तथा विकास कार्यक्रमहरू अघि बढाउने प्रतिबद्धता समेत जनाएको छ।
