धनुषा — आसन्न प्रतिनिधि सभा निर्वाचन २०८२ लाई लक्षित गर्दै जनता समाजवादी पार्टी (जसपा) नेपाल धनुषा निर्वाचन क्षेत्र नं. २ को क्षेत्रीय भेला सम्पन्न भएको छ। क्षेत्रीय भेला संयोजक दिपिनदेव यादवको संयोजकत्वमा बसेको बैठकले प्रत्यक्ष तर्फबाट ६ जना र समानुपातिक तर्फबाट ९ जनाको नाम जिल्लामा सिफारिस गर्ने निर्णय गरेको हो।
बैठकबाट जसपा नेपालका राष्ट्रिय अध्यक्ष उपेन्द्र यादव, केन्द्रीय सदस्य अरुण सिंह मण्डल, धनुषा जिल्ला अध्यक्ष पशुपति यादव, नेता सुशील साह र कमलदेव मण्डललगायतका नेताहरूको नाम प्रत्यक्ष तर्फका सम्भावित उम्मेदवारका रूपमा क्षेत्रबाट सिफारिस गरिएको छ।
त्यस्तै, समानुपातिक तर्फका सम्भावित उम्मेदवारका रूपमा मो. अब्दुल वारिक शेख, जयनारायण पासवान, कृष्ण कुमार भण्डारी, त्रिलोक महतो ,श्रवण कुमार महतो, रामो महरा, समिमा खातुन, पुष्पा यादव, उदय चन्द्र मिश्र र सीता मण्डललगायत नेताहरूको नाम सिफारिस गरिएको छ।
उक्त क्षेत्रीय भेलामा जसपा नेपाल धनुषा निर्वाचन क्षेत्र नं. २ का केन्द्रीय सदस्य ममता मण्डल, मधेश प्रदेश समिति सदस्य तथा पूर्व प्रदेश सभा सदस्य शैलेन्द्र कुमार यादव, जिल्ला उपाध्यक्षद्वय ललित मण्डल, शहिदनगर नगरपालिकाका मेयर दिनेश कुमार यादव, समाजवादी युवा संघ नेपालका केन्द्रीय महासचिव दिपेन्द्र कापरी, समाजवादी विद्यार्थी युनियन नेपालका केन्द्रीय महासचिव बलिराम कापरी, डोटिमका जिल्ला अध्यक्ष रामशंकर पासवानलगायत निर्वाचन क्षेत्र नं. २ अन्तर्गतका सम्पूर्ण वडा अध्यक्ष, निर्वाचित जनप्रतिनिधि, नेता तथा कार्यकर्ताहरूको उल्लेखनीय उपस्थिति रहेको थियो।
भेलाले आगामी निर्वाचनमा पार्टीलाई बलियो ढंगले अघि बढाउने र संगठनलाई थप सुदृढ बनाउने प्रतिबद्धता व्यक्त गरेको छ।
जसपा नेपाल धनुषा–२ बाट प्रत्यक्षतर्फ जसपा नेपालका राष्ट्रिय अध्यक्ष उपेन्द्र यादव सिफारिस
