२७ मंसिर , बुधबार ।
बाराको महागढीमाई नगरपालिका वडा नं ७ तेलगाईमा आज बुधबारदेखि काँटवासी पञ्चवर्षीय मेला शुरु भएको छ ।
जनता समाजवादी पार्टीका (जसपा)अध्यक्ष उपेन्द्र यादव र महागढीमाई नगरपालिकाका प्रमुख उपेन्द्रप्रसाद यादवले संयुक्तरुपमा काँटवासी पञ्चवर्षीय मेलाको उदघाटन गरेका हुन् । हरेक पाँच वर्षमा बारा जिल्लाको दोस्रो ठूलो मेलाको रुपमा काटवासी मेला लाग्दै आइरहेको छ । मेलाको पहिलो दिन आज हजारौं नरनारीहरु सम्मिलित भएर कलश यात्रा निकालिएको थियो ।
मेलामा मौतका कुवा, ड्रागन, मारुती सर्कस, मिकीमाउस, ब्रेक डब्सु नाव, क्रस समिल्लित बच्चाहरुको मनोरञ्जनको खेल तमासाहरुको ब्यवस्था गरिएको श्री काँटवासीमाई पञ्चवर्षीय पूजा एवं मेला मूल समितिको कार्यालयले जनाएको छ ।
