काठमाडौं । राष्ट्रिय मुक्ति पार्टी नेपालले मो हुसैन खानलाई पार्टीको केन्द्रीय सचिवमा नियुक्त गरेको छ। अध्यक्ष राजेन्द्र महतोको अध्यक्षतामा सम्पन्न गत फागुन १२ र १३ गतेको पहिलो बैठकको निर्णय अनुसार विभिन्न पदमा नेताहरूको नियुक्ति गरिएको हो।
लामो समय कतारमा रहँदै तराई मधेस प्रवासी मंच कतारको अध्यक्ष लगायत विभिन्न सामाजिक संघ–संस्थामा सक्रिय भूमिका निर्वाह गरेका खान राष्ट्रिय मुक्ति पार्टीमा आवद्ध हुँदै हाल सचिवको जिम्मेवारीमा पुगेका हुन्।
पार्टीले उनीसँगको अनुभव र समाजप्रतिको योगदानलाई मूल्यांकन गर्दै नेतृत्व तहमा ल्याएको बताएको छ।
