राजविराज, साउन १४ / जनता समाजवादी पार्टी, नेपाल सप्तरी जिल्ला कार्यसमितिको प्रथम एकता अधिवेशन आज राजविराजमा भव्यरूपमा सुरु भएको छ। अधिवेशनको उद्घाटन पार्टीका संघीय परिषद् अध्यक्ष तथा पूर्व उपप्रधानमन्त्री माननीय उपेन्द्र यादवले गर्नुभएको हो।
राजविराजस्थित एक भव्य सभास्थलमा सुरु भएको अधिवेशनमा पार्टीका केन्द्रीय नेता, प्रदेशस्तरीय पदाधिकारी, प्रतिनिधिहरू, विभिन्न पालिकाका नेता तथा कार्यकर्ताको उत्साहजनक उपस्थिति रहेको छ । साेही
कार्यक्रममा मधेश प्रदेशका नेता तथा अन्य विशिष्ट अतिथिहरूले पनि सम्बोधन गरेका छन्। अधिवेशनले आगामी कार्ययोजना निर्माण, सांगठनिक सुदृढीकरण, स्थानीय संरचना विस्तार लगायत विषयमा छलफल गर्ने र नयाँ नेतृत्व चयन गर्ने अपेक्षा गरिएको छ।
जनता समाजवादी पार्टी नेपाल सप्तरी जिल्ला कार्यसमितिको यो प्रथम अधिवेशन पार्टी सुदृढीकरणका दृष्टिकोणले निकै महत्वपूर्ण मानिएको छ। आयोजक समितिले अधिवेशन सफल बनाउन र नयाँ नेतृत्व चयन गरीनेमा आशावादी रहेकाे बताएका छन् ।
पार्टीका विभिन्न तहका प्रतिनिधिहरूले अधिवेशन सफल होस् भन्ने शुभकामना व्यक्त गरिरहेका छन्।
