काठमाडौं, साउन १२,
जनता समाजवादी पार्टी, नेपाल (जसपा) ले केन्द्रीय आईटी सेल गठन गरेको छ। पार्टीले आधुनिक सूचना प्रविधिको प्रभावकारी प्रयोगमार्फत आफ्ना विचार र कार्यक्रमलाई जनतामाझ लैजानका लागि महेश चौरसियाको नेतृत्वमा ३३ सदस्यीय केन्द्रीय आईटी सेल गठन गरेको हो।
सोमबार पार्टी कार्यालय बालकुमारीमा सम्पन्न बैठकमा जसपा नेता जितेन्द्र यादवको अध्यक्षता र महासचिव लालबाबु राउतको प्रमुख आतिथ्यमा केन्द्रीय आईटी सेल गठन तथा सूचना, संचार, विज्ञान तथा प्रविधि विभागको विस्तार सम्बन्धी निर्णयहरू गरिएको थियो।
महेश चौरसियालाई आईटी सेलको प्रमुख चयनसँगै विभागको सचिवमा समेत मनोनीत गरिएको छ। जसपा सूचना, संचार तथा प्रविधि विभागका प्रमुख यादवका अनुसार, “पार्टीको मुद्दा, नीति, कार्यक्रम र गतिविधिलाई डिजिटल प्लेटफर्ममार्फत प्रभावकारी ढंगले प्रवाह गर्न सक्षम, प्राविधिक दक्ष, प्रचारप्रसारमा दख्खल राख्ने सदस्यहरूलाई समेटेर केन्द्रीय आईटी टीम बनाइएको हो।”
आईटी सेलमा चयन गरिएका सदस्यहरूमध्ये प्रदीप घतान, मुसाहिद हुसेन, रसना यादव, ईमान राई, मनोज कुमार यादव, अमरेन्द्र यादव, रेणुराज सिंह, अजय वर्मा रहेका छन्।
त्यसैगरी, अभरेन्द्र यादव, विनित यादव, गौतम यादव, ओम यादव (मनिष), प्रभात कुमार सिंह (पिन्टु), श्याम यादव, दिपु कापर र कमलेश यादव पनि विभाग सदस्यमा मनोनित भएका छन्।
जसपा नेतृत्वले डिजिटल प्रविधिको प्रयोगलाई प्राथमिकतामा राख्दै पार्टीलाई सूचना–प्रविधि मैत्री बनाउने अभियान थालेको बताइएको छ।
जसपा नेपालको केन्द्रीय आईटी सेल गठन, महेश चौरसिया प्रमुख चयन
